Consellos para maiores de seguridade cidadá

No seu domicilio

• Non abra a porta da súa casa ou o porteiro automático a persoas descoñecidas.
• Desconfíe sempre de quen chame á súa porta ofrecéndolle calquera cousa, aínda que diga representar a un organismo público. O delincuente utilizará calquera escusa para entrar na súa casa. 
• Teña coidado cos servizos técnicos que non solicitara vostede ou a súa familia.
• Identifique a todos os empregados que deban efectuar reparacións, revisións ou cobros no seu domicilio.
• Cando reciba chamadas telefónicas, nunca facilite os datos persoais ou bancarios, aínda que lle digan que pertencen a organismos públicos, empresas de servizos domiciliarios ou argumenten que resultou gañador dun premio ou sorteo.
• Non marque números de teléfono de tarificación especial (normalmente comezarán por 905, 803, 806…). A chamada terá un custo moi elevado para vostede. 
• Non chame a números de teléfono que descoñece, dos que reciba mensaxes ou chamadas perdidas, poderían dalo de alta en servizos que non desexa.

Na vía pública

• Na rúa, camiñe pola parte interior da beirarrúa, colocando o bolso no lado da parede. Utilice preferentemente bolsos de asa ou ben que non leven correa.
• Evite facer ostentación de xoias ou outros obxectos de valor e protexa o seu bolso ou carteira nas grandes aglomeracións.
• Non acepte ningunha proposta que lle ofrezan pola rúa, por vantaxosa que lle pareza. Pode ser unha estafa.

No banco

• Ao utilizar os caixeiros automáticos non leve as claves anotadas, procure memorizalas. Vixíe os arredores e evite sacar moito diñeiro dunha soa vez.
• Para evitar ser observado ou gravado tape a mano coa que teclea a súa clave secreta.
• Se é posible, domicilie os pagamentos a través do banco.
• Procure ir acompañado de persoas de confianza para asinar documentos ou realizar cobros ou pagamentos importantes.