Teléfono:
Xeral: 981 542 323
Teléfono:
Obxectos perdidos: 981 542 441
Teléfono:
Emerxencias: 092
Galego
Actuacións seguras ante situacións de urxencia
- O máis importante é conservar a calma. En ocasións, a histeria colectiva provoca máis dano que o que podería ocasionar o suceso. Recorde que unha actitude de serenidade pode, incluso, salvarlle a vida.
- No seu fogar, teña especial coidado co gas. Ante a menor sospeita dun escape, abra portas e ventás e nunca acenda un fósforo ou accione o interruptor da luz. Corte rapidamente a subministración de gas e avise á empresa subministradora.
- Se se incendia o edificio onde vostede se encontra, non se precipite. Localice as saídas de urxencia; respire a través dun pano húmido; avance cara á saída o máis agachado posible; xamais utilice os ascensores. Siga, en todo caso, as indicacións dos bombeiros.
- Avise aos bombeiros ou ás forzas de seguridade se observa un incendio forestal. Se se encontra atrapado nun bosque incendiado, fuxa das valgadas e pendentes do monte.
- Procure localizar unha zona xa queimada ou unha corrente de auga. En último extremo, cúbrase de terra.
- Sobre todo, teña en conta estes consellos para a prevención de incendios forestais:
- Non tire cabichas acesas desde os vehículos ou en paseos a pé.
- Non prenda lume no campo, salvo en lugares e durante o tempo autorizado, e apague perfectamente os restos das fogueiras antes de abandonar o lugar.
- Teña moito coidado ao elixir os lugares para o baño. Procure bañarse en zonas vixiadas, observando as condicións da praia, a ondada e as correntes.
- Se se sente arrastrado por unha corrente, non intente nadar contra ela, senón en sentido paralelo á praia ata que saia dela. Daquela poderá alcanzar a beira con facilidade.
