Teléfono:
Xeral: 981 542 323
Teléfono:
Obxectos perdidos: 981 542 441
Teléfono:
Emerxencias: 092
Galego
O noso compromiso
O Corpo da Policía Local ten como misión a protección do libre exercicio dos dereitos e liberdades e contribuirá a garantir a seguridade cidadá e a consecución do benestar social, cooperando con outros axentes sociais, especialmente nos ámbitos preventivo, asistencial e de rehabilitación.
A Policía Local exercerá primordialmente funcións de prevención, impedindo coa súa presenza uniformada a comisión de feitos delituosos.
A actuación policial terá as seguintes bases:
- As directrices e obxectivos decididos polo Concello.
- Polivalencia no exercicio das súas funcións.
- Autonomía e responsabilidade no exercicio das súas funcións, tanto individualmente como en parellas.
- Transparencia na prestación do servizo, dando conta aos superiores xerárquicos das actuacións policiais e dos resultados dos dispositivos que se establezan.
- Respecto polos dereitos da cidadanía, sendo estes, entre outros, os que a seguir se indican:
- A identificar aos funcionarios e obter información e orientación acerca das actuacións ou servizos en que se atopen involucrados.
- A ser tratada con respecto e deferencia por funcionarios que deberán facilitarlle o exercicio dos seus dereitos e o cumprimento das súas obrigas.
- A esixir a responsabilidade do Concello e do persoal ao seu servizo, cando así corresponda legalmente.
- Calquera outro que lle recoñezan a Constitución e as leis.
