As persoas usuarias de Aspas veñen de participar nunha nova xornada de seguridade viaria, impartida pola Policía Local de Santiago. Desta vez, a actividade xirou en torno á mobilidade peonil e ciclista.

O Concello de Santiago iniciou este luns as probas selectivas para a contratación de seis policías locais mediante un proceso de oposición libre. O primeiro exame, de aptitude física, celébrase durante os días 17 e 18 de setembro mas instalacións da pista de atletismo da USC.

A Policía Local súmase a unha nova campaña especial de vixilancia da Dirección Xeral de Tráfico. Así, do 17 ao 23 de setembro, realizaranse controis sobre as distraccións na condución.

A Rede Municipal de Escolas Infantís conta cun Plan de Emerxencia e Evacuación, que se plasma nun Manual de Autoprotección e en diversas accións de formación e simulacros de actuación, todo isto no marco do Programa Municipal de Seguridade e Autoprotección dos Centros Escolares. A Escola Infantil de Meixonfrío-Salgueiriños acolleu este mércores unha nova actividade relacionada coa mellora da seguridade dos escolares e dos profesionais do centro. Tratouse dun simulacro, necesario para saber como actuar ante unha situación de emerxencia. O concelleiro de Educación e Cidadanía, Manuel Dios, asistiu a este simulacro.

Uns 550 nenos e nenas participaron esta mañá na II Gala pola Seguridade Viaria, a gran festa coa que remata o programa de formación que o Departamento de Educación Viaria da Policía Local desenvolveu ao longo do curso nos centros escolares de Santiago. No transcurso da gala fíxose entrega dos diplomas acreditativos aos/ás estudantes que participaron nas actividades formativas, así como dos premios aos gañadores e gañadoras do concurso de debuxo organizado pola Policía Local.