O alcalde, Martiño Noriega, e o subdelegado do Goberno na Coruña, Jorge Atán, presidiron esta mañá no Pazo de Raxoi unha reunión da Xunta Local de Seguridade, na que están representados os corpos e institucións que interveñen na seguridade cidadá no municipio de Santiago. O punto máis importante da orde do día era a avaliación do funcionamento dos mecanismos de control en relación á violencia de xénero.

O concelleiro de Medio Ambiente e Convivencia visitou hoxe o recinto feiral de Amio, onde se está a celebrar unha nova edición do parque infantil de tráfico que organiza a Policía Local dentro do programa de seguridade viaria Móvete seguro con Moito Olliño.

O vindeiro luns, 16 de xaneiro, comezará a funcionar o parque infantil de tráfico que a Policía Local instalou no recinto feiral de Amio, dentro do seu programa de seguridade viaria Móvete seguro con Moito Olliño. O alumnado de 6º de Primaria do CEIP Lamas de Abade será o primeiro en probar as instalacións. Vinte colexios de Compostela participarán no programa.

A Policía Local de Santiago custodia nas súas dependencias da Costa do Cristo máis dun milleiro de obxectos perdidos, á espera de seren entregados aos seus propietarios. Os teléfonos móbiles son maioría na lista de pertenzas extraviadas, na que tamén figuran numerosas carteiras, documentación e maletas.

A Policía Local efectuou 860 controis de alcoholemia na campaña que desenvolveu en colaboración coa Dirección Xeral de Tráfico do 12 ao 18 de decembro. Nelas detectáronse 14 positivos, un 1,63% do total das probas realizadas. Destes resultados positivos, 9 deron pé a unha denuncia administrativa.